ជំងឺបាយប៉ូឡា គឺជាប្រភេទនៃជំងឺអារម្មណ៍ ដែលមានបណ្តុំរោគសញ្ញា ២ឆ្លាស់គ្នាគឺ ជំងឺមេនៀ (Mania)  និង ជំងឺធ្លាក់ទឹកចិត្ត ( depression ) ។ ជំងឺមេនៀ គឺជាអារម្មណ៍សប្បាយចិត្តក្នុងកំរិតខ្ពស់ដែលមិនសមហេតុផល ហើយជំងឺធ្លាក់ទឹកចិត្ត គឺជាអារម្មណ៍ធ្លាក់ចុះទាបបំផុត។ មនុស្សជាច្រើនជួបប្រទះនូវ  ជំងឺមេនៀ និងជំងឺធ្លាក់ទឹកចិត្តដោយស្ថិតក្នុងកំរិតមួយធម្មតា​ ។ មានជំងឺបាយប៉ូឡាមានប្រភេទផ្សេងៗគ្នាគឺ៖ ជំងឺបាយប៉ូឡាទី១, ជំងឺបាយប៉ូឡាទី ២, និងជំងឺ cyclothymic។

រោគសញ្ញា

មេនៀ

• មានអារម្មណ៍សប្បាយរីករាយ និងពោលពេញដោយថាមពល សប្បាយខ្លាំងក្លា
• កាត់បន្ថយដំណេក
• ការនឹកគិត និងនិយាយយ៉ាងលឿន
• មានសន្ទុះអារម្មណ៍ខ្លាំង
• អារម្មណ៍មិនមូល 
• មានទំនុកចិត្តលើសមត្ថភាពខ្លួនឯងខ្លាំងលើសលប់
• ចូលចិត្តធើ្វអី្វដែលមានការប្រថុយប្រថាន ដូចជារួមភេទ លេងល្បែងស៊ីសង ឬចំណាយច្រើន

ធ្លាក់ទឹកចិត្ត

• មានអារម្មណ៍ទុក្ខព្រួយ និងអស់សង្ឈឹមរយ:ពេលយូរ
• ផ្តាច់ខ្លួនចេញពីមិត្តភក្តិ និងក្រុមគ្រួសារ
• បាត់បង់ចំនង់ទៅធើ្វកិច្ចការដែលធ្លាប់ចូលចិត្ត
• ការញាំប្រែប្រួល
• មានអារម្មណ៍អស់កម្លាំង ខ្វះថាមពល
• ការចងចាំល្អមិនសូវល្អ ពិបាកសំរេចចិត្តក្នុងកិច្ចការអី្វមួយ
• គិតអំពីការប៉ុនប៉ងធ្វើអត្តឃាត

ការព្យាបាល

មនុស្សភាគច្រើនដែលមានជំងឺបាយប៉ូឡាអាចត្រូវបានព្យាបាលដោយប្រើវិធីព្យាបាលផ្សេងៗគ្នារួមមាន

• ការប្រើប្រាស់ថ្នាំដើម្បីការពារការកើតឡើងនៃជំងឺ មេនៀ និងជំងឺធ្លាក់ទឹកចិត្ត – ទាំងនេះត្រូវបានគេស្គាល់ថាជាស្ថេរភាពអារម្មណ៍ហើយអ្នកលេបវាជារៀងរាល់ថ្ងៃក្នុងរយៈពេលវែង។
• រៀនស្វែងយល់ពីរោគសញ្ញានៃជំងឺមេនៀ និងជំងឺធ្លាក់ទឹកចិត្ត
• ការព្យាបាលផ្លូវចិត្ត ដូចជាការនិយាយប្រឹក្សាជាមួួយអ្នកព្យាបាល ដែលជួយអ្នកដោះស្រាយជាមួយជំងឺធ្លាក់ទឹកចិត្ត និងដំបូន្មានដើម្បីពង្រឹងក្នុងទំនាក់ទនង
• របៀបនៃការរស់នៅជាប្រចាំ ធើ្វលំហាតប្រាណទៀតទាត់ រៀបចំគំរោងដែលអ្នកចង់ធើ្វ ។