មានមនុស្សជាច្រើនប្រើគ្រឿងស្រវឹងដោយមានទំនួលខុសត្រូវ។ នៅពេលផឹកគ្រឿងស្រវឹងច្រើនក្នុងរយះពេលខ្លី វានឹងធើ្វអោយអ្នកស្រវឹងខ្លាំង។ ហើយនឹងមានផលប៉ះពាល់ដល់សុខភាព។ ការញៀន គឺនៅពេលដែលអ្នកផឹកគ្រឿងស្រវឹង ឬប្រើប្រាស់គ្រឿងញៀនដែលវាមានផលប៉ះពាល់ដល់អាយុជីវិតរបស់អ្នក។ 

ជារឿយៗ ក្រុមគ្រួសារ និងមិត្តភកិ្ត ជាមនុស្សដំបូងគេដែលចាប់អារម្មណ៍ ឬសំគាល់ថាអ្នកមានបញ្ហា ទាក់ទងនឹងគ្រឿងស្រវឹង និងគ្រឿងញៀន។ ពួកគេអាចសំគាល់បានដោយចំណុចមួយចំនួន ដូចជាគេចចេញពីអ្នកដទៃ តែងតែហត់នឿយ អស់កម្លាំង ឬងាយនឹងមានទុក្ខព្រួយ។

រោគសញ្ញា

• ផ្លាស់ប្តូរទម្លាប់នៃការញាំ ឬការគេង
• មិនសូវយកចិត្តទុកដាក់ចំពោះរូបរាងរបស់អ្នក
• ចំណាយពេលច្រើនជាមួយអ្នកដែលផឹកគ្រឿងស្រវឹង ឬប្រើគ្រឿងញៀនហួសកំរិត
• ខកខានមិនចូលរៀន ឬការងារ
• បាត់បង់ចំណាប់អារម្មណ៍លើសកម្មភាពដែលអ្នកធ្លាប់ស្រលាញ់
• តែងមានបញ្ហានៅក្នុងសាលារៀន កន្លែងធើ្វការ ឬជាមួយច្បាប់
• តែងមានជំលោះជាមួយក្រុមគ្រួសារ និងមិត្តភកិ្ត
• មិត្តភកិ្ត ឬគ្រួសារ សួរអ្នក ថាតើអ្នកមានបញ្ហាពាក់ព័ន្ធនឹងសារធាតុញៀន ឬទេ
• ប្រើប្រាស់គ្រឿងញៀន ឬផឹកគ្រឿងស្រវឹងដើម្បីសប្បាយ
• ងងឹតមុខ ឬបាត់បង់ស្មារតី
• ផឹកគ្រឿងស្រវឹង និងប្រើគ្រឿងញៀនពេលនៅម្នាក់ឯង
• លាក់កំបាំងពីគ្រួសារ ឬមិត្តភកិ្ត
• តម្រូវសារធាតុញៀនដើម្បីអោយមានអារម្មណ៍ធូរស្រាល៕

ការព្យាបាលផ្លូវកាយ

ប្រើសិនជាអ្នកផឹកគ្រឿងស្រវឹង ឬប្រើគ្រឿងញៀនច្រើនក្នុងមួយអាទិត្យ ច្រើនខែ ឬច្រើនឆ្នាំ ហើយនៅពេលអ្នកបញ្ឈប់ ឬកាត់បន្ថយភ្លាមៗ អ្នកអាចនឹងមានបញ្ហាផ្លូវចិត្ត និងបញ្ហាពាក់ព័ន្ធនឹងរាងកាយរបស់អ្នក ។ ដែលនេះហៅថា ការផ្តាច់ភ្លាមៗ (Withdrawal) ។

ការផ្តាច់សុរាភ្លាមៗ

រោគសញ្ញានឹងបង្ហាញនៅ ៦ម៉ោងក្រោយបន្ទាប់ពីអ្នកឈប់ផឹក ។ ក្នុងនោះរួមបញ្ចូលដោយ ការថប់បារម្មណ៍ ញ័រដៃ ឈឺក្បាល ក្អួតចង្អោរ អត់ងងុយ និងបែកញឹស។ រោគសញ្ញាធ្ងន់ជាងនេះ គឺការហើមពោះ ប្រហែល ១២ ទៅ២៤ម៉ោងបន្ទាប់ពីអ្នកផឹក ឬការប្រកាច់ក្នុងរយ:ពេល ២ថៃ្ងបន្ទាប់ពីឈប់ផឹក។ 

ការផ្តាច់គ្រឿងញៀនភ្លាមៗ

រោគសញ្ញាក្នុងការផ្តាច់គ្រឿងញៀន​ គឺអាស្រ័យទៅលើសារធាតុញៀន​ និងរយៈពេលនៃការប្រើប្រាស់.

• ហេរ៉ូអ៊ីន និងថ្នាំបំបាត់ការឈឺចាប់៖​ រោគសញ្ញា ដូចជាជំងឺផ្តាសាយមានរយៈពេលជាមធ្យម ៥ ថ្ងៃ
• Benzodiazepines: ការថប់បារម្ភ និង ប្រកាច់ច្រើនសប្តាហ៍ឬ (ក្នុងករណីខ្លះ) ច្រើនខែ
• Cocaine: ការធ្លាក់ទឹកចិត្ត និងការមិនស្រួលមានរយៈពេល 7-10 ថ្ងៃ

ការព្យាបាលតាមចិត្តសាស្រ្ត

ការកាត់បន្ថយគ្រឿងស្រវឹង​ និងសារធាតុញៀនផ្សេងៗ  មានផលវិបាក ពីព្រោះជាតិស្រវឹង​ និងសារធាតុញៀន​ ធ្វើឲ្យរាងកាយពឹងផ្អែក​ និងផ្លាស់ប្តូរខួរក្បាល។ ក្នុងការពិនិត្យមើលខួរក្បាល​សម្រាប់អ្នកដែកមានបញ្ហាជាតិស្រវឹង និងសារធាតុញៀន​ ភាគច្រើនមានបញ្ហាផ្នែកផ្លូវចិត្ត។

ការព្យាបាលតាមអាប្បកិរិយា

ការព្យាបាលតាមអាប្បកិរិយា ជាជំនួយនៃការផ្លាស់ប្តូរអាកប្បកិរិយា នៃការផឹកតាមរយ:ការប្រឹក្សាជាមួយអ្នកជំនាញ ។

• ការព្យាបាលពុទិ្ធ គោលដៅ គឺដើម្បីផ្លាស់ប្តូរដំណើរការគិតដែលនាំឱ្យមានការផឹកស្រាហួសប្រមាណ និងដើម្បីអភិវឌ្ឍ វិធីសាស្រ្តជំនាញដែលចាំបាច់ដើម្បីទប់ទល់នឹងស្ថានភាពប្រចាំថ្ងៃដែលអាចបង្កឱ្យមានបញ្ហានៃការផឹក ឬការប្រើគ្រឿងញៀន។
• ការព្យាបាលដោយការជម្រុញលើកទឹកចិត្ត

ការព្យាបាលផ្តោតសំខាន់លើការកំណត់គុណសម្បត្តិ និងគុណវិបត្តិនៃការស្វែងរកការ ព្យាបាលបង្កើតជាផែនការសម្រាប់ការផ្លាស់ប្តូរការផឹក ការកសាងទំនុកចិត្ត និងការអភិវឌ្ឍជំនាញដែលត្រូវការដើម្បីអនុវត្តតាមផែនការ។

• ការប្រឹក្សាខាងអាពាហ៍ពិពាហ៍ និងគ្រួសារ រួមបញ្ចូលទាំងប្តីប្រពន្ធ និងសមាជិកគ្រួសារដទៃទៀតក្នុងដំណើរការព្យាបាល ហើយអាចដើរតួនាទីយ៉ាងសំខាន់ក្នុងការជួយទំនាក់ទំនងគ្រួសារអោយកាន់តែល្អប្រសើរ។
• ការអន្តរាគមន៍ខ្លីៗ គឺមានរយៈពេលខ្លីវគ្គពិគ្រោះយោបល់មួយទល់មួយ រឺមួយក្រុមតូចដែលមានពេលវេលាកំណត់។ អ្នកផ្តល់យោបល់នឹងធ្វើការជាមួយអតិថិជនដើម្បីកំណត់គោលដៅ និងផ្តល់គំនិតដើម្បីជួយធ្វើការផ្លាស់ប្តូរ។