ការថប់បារម្មណ៏ (Anxiety) ការព្រួយចិត្ត​ (Worry) និងការតាន់តឹងអារម្មណ៏ (Stress) ក្លាយជាបញ្ហាប្រចាំថ្ងៃរបស់មនុស្សទូទៅក្នុងពេលបច្ចុប្បន្ននេះ ។ ជាធម្មតាអ្នកមានការថប់បារម្មណ៏​ឬការតានតឹងអារម្មណ៏មិនមែនសុទ្ធតែចាំបាច់ត្រូវតែរកជំនួយ​ពី អ្នកឯកទេសចិត្តសាស្រ្តនោះទេ​​ ឬក៏មានន័យថាអ្នកមានជំងឺនោះដែរ​។​ តាមការពិត​ការថប់បារម្មណ៏គឺជាសញ្ញាណមួយដាស់តឿនអ្នកឲ្យដឹងថាអ្នកកំពុងស្ថិតក្នុងស្ថានភាពគ្រោះថ្នាក់ ឬស្ថានភាពលំបាកខាងផ្លូវចិត្ត។​​ បើមិនមានការថប់បារម្មណ៏ទេនោះ អ្នកក៏ពុំមានសមត្ថភាពប្រមើលមើលពី ស្ថានភាពលំបាក​និងត្រៀមខ្លួនសំរាប់ប្រឈមមុខនិងវានោះដែរ​។​

ការថប់បារម្មណ៏និងក្លាយជាជំងឺថប់បារម្មណ៏នៅពេលដែលវាមានសភាពរាំរ៉ៃ​និងរំខានដល់ការរស់នៅប្រចាំថ្ងៃរបស់យើង​ហើយនិងរំខានសម្ថភាពបំពេញការងាររបស់យើងផងដែរ។​ អ្នកដែលមានសភាពជំងឺថប់បារម្មណ៏រាំរ៉ៃមានរោគសញ្ញាណដូចខាងក្រោមៈ

•  ផ្នែករាងកាយ
•         តឹងណែនសាច់ដុំ
•         មានសភាពអស់កម្លាំង​ល្ហិតល្ហៃ
•         ខ្សោយការចងចាំ​ ឬភ្លេចភ្លាំងច្រើន
•         បែកញើសបាតដៃ
•         មានបញ្ហាក្នុងការគេង
•         ញ័របេះដូង ឬជីពចរដើរញាប់
•         ដកដង្ហើមខ្លីៗ ដាច់ៗ
•         ធ្វើទុក្ខក្រពះ

• ផ្នែកអារម្មណ៍

•         អារម្មណ៏ភ័យខ្លាច ឬច្របូកច្របល់
•         ពុំមានអារម្មណ៏ស្ងប់
•         មានភាពតានតឹង ទុក្ខព្រួយជានិច្ច
•         ខ្សោយការផ្ចង់អារម្មណ៏
•         មានអារម្មណ៍ភ័យស្លន់ស្លោនៃគ្រោះថ្នាក់ជិតមកដល់
•         ព្រួយបារម្មណ៍ខ្លាំងចំពោះបញ្ហាដែលមិនទាន់កើតមាន

សញ្ញាណទាំងនេះគឺ បង្ហាញពីស្ថានភាពធ្ងន់ធ្ងរហើយវាល្មមគ្រប់គ្រាន់ធ្វើឲ្យបុគ្គលនោះ មានអារម្មណ៏មិនសុខស្រួល​​មិនអាចគ្រប់គ្រងខ្លួនឯងបាន និងមាន​អារម្មណ៏តែលតោល​។​